燈

幾日前睇左一篇文章，講得幾好，但其實我認為每個人（不論男女、年齡）都應該有把火。

呢篇文章，帶比我份功課一個好大的沖擊，開始知道自己做緊咩同要做咩。

呢把火就好似你額頭前的一盞燈咁，令你係黑暗之中都可以找到你要行嘅路，如果呢盞燈，唔夠光／弱（無信心），你要靠外圍的光引領你要走的路，漸漸你會被四週的光所侵擾，慢慢地會迷失方向，真至失去自我。

但係點可以令呢盞“燈”發熱發亮呢！

The lost room

＜The Lost Room＞是06年12月在美國sci-fi channel播放的。一共三集，每集兩小時
內容講述Sunchine Motel 既10號房，以及一大堆物件（ Object)！主角女兒因為要避開壞人的追補，走入了這間房，從此消失，主角為了尋回女兒，展開一連串的追查.....

呢套劇一定會有season 2, 點解咁講，開始睇時好緊張，但去到尾段的劇情好唔完整，有好多疑團都無解答到，就好似ＬＯＳＴ咁。

無無聊聊時值得一看

貪靚惹的禍

昨天一起身照鏡, wa 成臉又紅又腫又痕, 都知自己又衰多手la.

但係今次真係好大鑊, 仲勁過上次, 因為之前個支消淡膏都仲可以幫到手, 但今次唔得, 所以要去睇醫生, 睇下食完藥, 明天訓醒會唔會好d

唉!!!!

貓貓塗鴉

認識我的人都知，我家有一個大少爺—陳蝙蝠（又名：肥寶）嘅貓，只從養左佢之後，對那些有關貓的文章或者圖片都很愛追看，其中一個ＢＬＯＧ我每隔幾天都會看一次 — 貓貓塗鴉 追看的原因，我諗只有養貓的人先知。

Blog主妙卡卡，家中有七隻貓（WOW大家庭），每一隻都有一個獨特既個性之外，妙卡卡仲會將佢地平日發生的笑料以漫畫方式畫出來，真係一路睇一路笑。呢個就係我最鍾意的基米，因為佢同我家的肥貓一樣，都係咁肥，哈哈

社會風氣

我相信呢個星期每個香港人茶餘飯後都只有一個話題, 就係呢次淫照裡面的主角.

好老實我有睇過, 亦都好同情當中的女主角, 但對警方的高調做法好有保留, 警方對d有財有勢既人特別好, 就今次事件, 因為受害人係名人, 所以就咁快做野, 仲要動用咁多人力去調查, 又唔比疑犯保釋.... 身為小市民既我, 如果主角係我, 差人會唔會都係咁快, 就上次比人hack account既事件, 警人都只係話好難喎, 我地要點點點點, 同點點點點, 未必可以做到, 因為要點點點點, 你最好同你的服務公司問下la, 令我覺得差人只係保護d有錢既人, 我地呢d小市民, 哈, 自己食顧自己la.

另外一個好值得講既就係, 其實你唔怪得現在的新一代, 玩到咁, 因為係大人既世界都係咁, 所為身教, 除左係家長既責任, 老師既責任, 社會既責任, 都係政府的責任, 企業的責任.....
現在就連最正義既(只限係小朋友心目中)"香港警察"都大細超, 好難怪d年青人會咁勢利喎, 你地d大人做事都無分寸, 小朋友係一張白紙, 你做既野就係佢地有樣學樣的指標, 如果你要問點解時下既年青人 / 年輕一輩會咁? 你先問下自己, 你係呢張白紙上面寫過d咩先!

==========================================

對於事件中的當事人, 我會覺得, "事到如今, 認左佢, 做個反面教材, 同年青人講, 你之前年少無知, 唔識得保護自己, 希望你地唔好好似我咁......... " 咁都可能仲可以有返個形象, 又可以做個好的學習對象, 知錯能改, 對自己同對社會都有個好既例子. 好老實, 呢d咁既相真係唔係d咩咁特別, 好可能你自己係同你既伴侶都做過, 而且男歡女愛亦係一件好正常既事, 只不過呢d應該只係出垷係私人的地方, 唔應該公開. 如果真係要咁做都好, 都要收好d, 意外既事好難遇計, 小心d la. 唔做就唔會比人有機可乘la.

希望事件中的受害人可以好好振作面對, 事情會有轉機la, 祝你地好運!

今年的第一

今日終於都send左今年第一封的求職信, 來緊呢幾個月睇下有無機會有新轉機la, 快d可以離開呢到就好.

心散

又係“放假前夕心情懶散無心機症”發作的時候

強人

雖然現在ＴＶＢ的電視劇一劇不如一劇，但係講到演技，都係Ｄ老戲骨做得好，就好似呢套"野蠻奶奶大戰戈師奶“就只有汪明荃先做到呢個野蠻奶奶，佢個種霸氣，真係唔係人人可以扮到（呢Ｄ野係天生嘅），就因為咁好少睇電視劇的男友都會追睇，真係好難得，因此有日我地係到討論O姐呢個角色，同我地做人的睇法。

O姐呢種強人（女強人），無論做咩都好有自信（唔好聽就叫做自大），就算錯都係因為一時唔小心，睇漏眼，（當然有自信得來都要建立於，智慧、醒目的基礎之上），千其不要因為小小的錯節，別人一向說話而質疑自己的能力／做法。果段、意志堅定、臨危不亂.....呢Ｄ好似係一個強人有的形容詞，唔通要做到咁先叫成功？（但係公司有個好似阿蚊咁既老細，好明顯係失敗）

學coco話齋：呢個世界既人係欺善怕惡，三分顏色上大紅，得寸進尺，上得大床就會"軒“被"come"的動物，做話事人就要有威勢。你話一其他人唔可以話二，

文字の積み木- 「TOYPOGRAPHY」

呢d咪叫做 Typography - 我相信只有日本仔先諗得到!!

大大吉

話說之前比人hack左個account 同個blog, 一心諗住無得lor返, 就膽粗粗打去hotmail同佢講, 哈! 點知佢又真係有專人回覆喎, 就咁我就有返個account. 真好, 呢個世界又有返希望la!

如果你比人Hack左個msn / hotmail account的話, 咁你可以去呢到同佢講, 你有機會可以lor得返個account.

遊走藝術日

今日去左呢個伙炭開放日同文化博物館 - 2007香港國際海報三年展, 前者係本地創作人的Show Room, 後者係國際級知名設計師的 Show Room, 睇完之後令我覺得設計同藝術係不可分開的. 做藝術係要用時間,

呢張係我最鍾意的poster之一

我好鍾意呢個畫面，因為個種感覺好寧靜，好清幽，唔講會以為呢到係外國某個exhibition。

藝術係可以好簡單

Mad Men

睇呢個電視劇的原因, 係因為有一天聽到電台節目話呢套劇好睇喎, 再加上朋友在blog中題過(但係佢覺得是不好看的), 係好奇心驅使之下, 我睇左!

係未講覺得好不好睇之前, 先講講佢係講咩既先, <>係講述:

1960年代，廣告業蓬勃興起，個性的、專業的、大手筆的、以性為賣點的……各種各樣的廣告開始炸人們的神經，刺激人們的消費欲望。混戰之中，一家高調 的廣告社异军突起，从香烟广告到选举广告，无所不能。广告业的极度膨胀开始引发社会的变革，在美国的60年代，性、伦理、生育、宗教以及种种载入史册的美 国史事即将上演…… -- <<資料來源>>

我睇左9集之後一d都唔覺得lor, 同TVB黃金時段的劇集差不多LOR, 講來講去都係婚外情呀, 面對工作的壓力, 面對大公司想挖角, 有一段不可告人的秘密咁LOR, 性愛場面就一定有LA, 話晒都係鬼佬片麻, 不過有幾個POINT有D過份lor.

1. 片中所有女性都對男主角有野
2. 男主角永遠係最尾的關頭都會過到關, 無事
3. 男主角身邊的女人, 個個都係靚女(佢老婆好靚, 好似BABE咁) / 有性格 (情婦)
4. 片中所有成年人, 每個鏡頭都係煙不離手 (拍呢套劇, 食煙都會到嘔, 我睇到佢地食咁多都覺得想嘔, 同個口一定好臭)
5. 但係佢地個美指做得好好, 所有道具都做得好好, 好有六十年代感, 就連女士的身材都好係六十年代的那種美.
6. 片中每個已婚男仕一定出面有個好靚/ 身材好好的女人
7. 片中毎個女人都係應大圓潤形, 應大的地方好大, 應小的地方就都可以,

不過雖然係麻麻好睇(無阿芝講得咁吸引), 但係都睇左9集, 點都會追睇埋其餘個d, 因為可以用來打發時間, relax 下麻!! :)

閒事

正所為退一步海闊天空麻！
不要為些少事耿耿於懷，咁個人先會開心Ｄ麻

小白送的糖糖！

分手

互聯網 ﹣ 對於大家來講真係好方便，只要輸入一個字，牠會為你找尋有關的資料，睇到你唔睇。
但係當你有一日，瞓醒覺，你日日入開的msn再入唔返，用開的email又用唔到，寫開個blog 又入唔到時，你好可能比人Hack左入去你個account喇！

呢個時候，你會覺得好無奈，原來呢Ｄ咁既事情發生係你身上係求助無門，只能做到的就係唔好諗點解個個小偷 (hacker) 要咁做，第一：做呢個人一定係一個超級無聊人；第二：呢個人一定係唔會理你感受，就算你有幾咁在乎都好；第三：一定要冷靜處理，千析唔好諗住求佢比返你／交換條件；最後，最好就當無事發生，開過另一個account，你對個小偷冷淡Ｄ會好Ｄ，相反，如果你係燥底，可以用你一連24個字唧粗口send個mail比佢，發洩吓你心頭之怒火。

你會同自己講無左個account係會有Ｄ唔捨得，話晒都用左咁多年，日日見，唔多唔少都係有感情，話就話係身外物啫，無左開過個，咪當係比人飛ＬＯＲ，佢粒聲唔出跟佬走ＬＡ，要怪就怪你自己無好好咁保護佢，等人有機可成。

無論點安撫自己的心靈都好，個心會忍忍咁作痛........

努力左一日的結果

今日全日係屋企就係做呢個死人director的功課 (都唔明, 呢份明明係教人攝影, 阿sir要人學用director做 lor), 學唔係問題, 但係呢個software真係 - "廢", 點解咁講! undo只得一次都不企, 版面又唔清楚, 用法又唔user friendly, 變化又少, 果然係Macromedia出品的一向的作風 - 唔user friendly. 不過都好, 都叫做到d野, 有得交, 明天仲有份要做呀, 努力! 加油!