負能量

呢幾日既負能量又再創新高! 個心成日都有好多野擔心/怕, 有時我會問自己擔心咁多做咩, 明天有明天既路要行, 何必咁擔心呢! (我成日既口頭襌: 船到橋頭自然直), 但係呢頭講完個頭又去諗, 唉!!
呢大半年個人無晒動力, 就連以前有要求既自己都變得無要求, 好唔想去面對呢個世界, 好無助, 唔知係咩原困, 心裡有好多個答案,
1. 本身自己一向都無要求?
2. 份工對真係影响咁大?
3. 係咪真係咁受外間影响?
4. 呢d會不會都係借口, 其實個人本身就係有問題?
5. 係咪有精神病, 所以先咁諗?
6. 係咪真係好懶, 懶到咩都唔想去做/要踼一踼先行一步?
7. 係我真係好大壓力先會有咁既反射反應還是其他?
8. 負能量咁高係咪因為心裡有一個解不開的結呢? (呢個結係唔到你話事, 你放手la, 再係咁你真係會痴)
9. 係咪要再迫自己多d就可以找返自己出來?
10. 要點樣我先可以做返一個正常既自己(好似以前咁)?

開始發覺自己成日都收埋自己, 係別人面前係一個樂觀既人, 背著別人時, 就好似一個苦瓜咁. 好想別人只係睇到自己好既一面, 好倦, 真係, 好想放開自己, 做一個無顧慮開心的我.

好想大哭一場, 將所以負能量放出, 咁我諗我會開心d!!

做返個有要求 ; 開朗 ; 對事業有熱情 ; 有人生目標既我 .